අභ්‍යන්තර කටයුතු ඒකකය
මුදල්, ක්‍රමසම්පාදන සහ ආර්ථික සංවර්ධන අමාත්‍යාංශය සඳහා අභ්‍යන්තර කටයුතු ඒකකයක්!
2023 අංක 9 දරණ දූෂණ විරෝධී පනත ප්‍රකාරව ජනාධිපති ලේකම් කාර්යාලය සහ අල්ලස් හෝ දූෂණ විමර්ශන කොමිෂන් සභාව එක්ව ආරම්භ කර ඇති, "සියලු රාජ්‍ය ආයතන වල අභ්‍යන්තර කටයුතු ඒකක පිහිටුවීමේ නව වැඩපිළිවෙළ" හා සමගාමීව මේ වන විට අප අමාත්‍යාංශයේ අභ්‍යන්තර කටයුතු ඒකකයක් ස්ථාපිත කර ඇත.
ඒ අනුව අප අමාත්‍යාංශයේ යම් අක්‍රමිකතාවයක්, දූෂණයක් හෝ වංචාවක් ඔබ දැනුවත්ව සිදුවන්නේ නම් නාමිකව හෝ නිර්නාමිකව ඒ පිළිබඳව තොරතුරු/පැමිණිලි අප රත්නපුර දිස්ත්‍රික් ලේකම් කාර්යාල පරිශ්‍රයේ පිහිටුවා ඇති අභ්‍යන්තර කටයුතු ඒකකය වෙත පහත ක්‍රමවේදයක් ඔස්සේ දැනුම්දිය හැකිය.
රත්නපුර දිස්ත්‍රික් ලේකම් කාර්යාල පරිශ්‍රයේ ස්ථානගත කොට ඇති පැමිණිලි පෙට්ටියට යොමු කිරීම
ඒකකයේ ප්‍රධානී
බී.ටී. ගයානි අයි. කරුණාරත්න මිය,
අතිරේක දිස්ත්‍රික් ලේකම්,
දිස්ත්‍රික් ලේකම් කාර්යාලය,
රත්නපුර
සුපිළිපන්න නිලධාරී
බී.එච්.එස්. ධනවර්ධන මිය ,
සහකාර දිස්ත්‍රික් ලේකම්,
දිස්ත්‍රික් ලේකම් කාර්යාලය,
රත්නපුර.
යන ලිපිනයට තැපැල් මාර්ගිකව යොමු කිරීම
* This email address is being protected from spambots. You need JavaScript enabled to view it. යන විද්‍යුත් තැපැල් ලිපිනය වෙත දැනුම් දීම
* 045 2222236 / 077 4745440 දුරකථන අංක වෙත දැනුම් දීම
* 077 4745440 අංකයට වට්ස්ඇප් මාර්ගිකව දැනුම් දීම
* QR කේතය ඔස්සේ දැනුම් දීම
අභ්‍යන්තර කටයුතු ඒකකයේ වගකීම් සහ කාර්යයන්
- 1 ආයතනය තුළ ක්‍රමානුකූල අවහිරතා හඳුනාගැනීමට වත්මන් ක්‍රියා පටිපාටි සහ චක්‍රලේඛ පරීක්ෂා කිරීම සහ මෙහෙයුම් කාර්යක්ෂමතාව වැඩිදියුණු කිරීම සඳහා ඒවා සරල කිරීම.
- 2 දූෂණයට සහ සදාචාර විරෝධී හැසිරීම්වලට ගොදුරු විය හැකි ආයතනයේ ප්‍රදේශ හඳුනාගැනීමට දූෂණ අවදානම් තක්සේරුව (CRA) සිදු කිරීම සහ ඉලක්කගත වැළැක්වීමේ ක්‍රියාමාර්ග ගැනීම
- 3 ආයතනයේ අවශ්‍යතා අනුව සකස් කරන ලද විශේෂිත දූෂණ විරෝධී අරමුණු සහ උපාය මාර්ග දක්වන ආයතනික අඛණ්ඩතා ක්‍රියාකාරී සැලැස්මක් සංවර්ධනය කිරීම සහ ක්‍රියාත්මක කිරීම.
- 4 ජාතික දූෂණ විරෝධී ක්‍රියාකාරී සැලැස්ම සමඟ ආයතනික ප්‍රතිපත්ති සහ භාවිතයන් පෙළගස්වා ජාතික දූෂණ විරෝධී ඉලක්ක සමඟ පූර්ණ අනුකූලතාව සහතික කිරීම.
- 5 2023 අංක 9 දරන දූෂණ විරෝධී පනත ඇතුළු ජාතික සහ ජාත්‍යන්තර දූෂණ විරෝධී නීති සමඟ ආයතනයේ අනුකූලතාව තක්සේරු කිරීම සඳහා නිත්‍ය අනුකූලතා සමාලෝචන සිදු කිරීම.
- 6 සියලුම රාජ්‍ය නිලධාරීන් සහ සේවකයින් සඳහා වත්කම් ප්‍රකාශන අවශ්‍යතා සමඟ අනුකූලතාව සහතික කිරීම.
- 7 ආයතනයේ දූෂණය සහ සදාචාර විරෝධී හැසිරීම් සම්බන්ධ පැමිණිලි ලබා ගැනීමට සහ කළමනාකරණය කිරීමට ආරක්ෂිත පද්ධතියක් ස්ථාපිත කිරීම.
- 8 ආයතනය විසින් සපයනු ලබන සේවා දක්වන පුරවැසි ප්‍රඥප්තියක් සංවර්ධනය කිරීම සහ ප්‍රකාශයට පත් කිරීම.
- 9 රාජ්‍ය නිලධාරීන් විසින් පිළිපැදිය යුතු ප්‍රමිතිගත චර්යාධරණයක් ඇතුළුව සදාචාරාත්මක පාලනය ප්‍රවර්ධනය කරන ප්‍රතිපත්ති ස්ථාපිත කිරීම.
- 10 දූෂණ විරෝධී මූලධර්මවලට කැපවීමට සේවකයින් පෙලඹවීමට පුහුණුව සහ දැනුවත් කිරීම ඇතුළු ක්‍රියාමාර්ග ක්‍රියාත්මක කිරීම.
- 11 ජාතික දූෂණ විරෝධී අඛණ්ඩතා තක්සේරුව සඳහා ආයතනික කේන්ද්‍රස්ථානය ලෙස ක්‍රියා කිරීම.
- 12 CIABOC සමඟ සම්බන්ධතාවය පවත්වා ගැනීම.
- 13 IAU හි ක්‍රියාකාරකම්, දූෂණ විරෝධී මුලපිරීම්වල ප්‍රගතිය, මුහුණ දුන් අභියෝග සහ වැඩිදුර ක්‍රියාමාර්ග සඳහා නිර්දේශ සාරාංශ කරමින් වාර සහ වාර්ෂික වාර්තා නිෂ්පාදනය කිරීම.
- 14 අඛණ්ඩතා සංවර්ධන වැඩසටහන් සැලසුම් කිරීමට සහ ක්‍රියාත්මක කිරීමට පෞද්ගලික අංශයේ පාර්ශවකරුවන් සමඟ සහයෝගීව කටයුතු කිරීම